ضروری معلومات بسلسلہ حصولِ ڈگری/رزلٹ کارڈ
وہ تمام سٹوڈنٹس جن کی علامہ اقبال اوپن یونیورسٹی سے ڈگری مکمل ھو چکی ھے اور ان کو ابھی تک اپنا رزلٹ کارڈ یا ڈگری نہیں ملی تو وہ اپنے رزلٹ کارڈ/ڈگری کے حصول کے لئے مندرجہ ذیل باتوں پہ عمل کریں۔۔۔

رائے رزلٹ کارڈ/ڈی ایم سی:

اگر آپ کی ڈگری کے دوران آپ کا کوئی بھی کوڈ
(Fail یا R/E)
نہ ہوا ہو تو یونیورسٹی آپ کا رزلٹ کارڈ خود آپ کے پتہ پر بھیج دےگی۔۔۔
لیکن اگر آپ کا کوئی کوڈ
(Fail یا R/E)
ہوا ہوگا تو یونیورسٹی آپ کا رزلٹ کارڈ نہیں بھیجے گی۔۔۔

اس کیلئے جب آپ ڈگری کیلئے اپلائی کریں گے تو (Fail یا R/E)
کے ہر کوڈ کی اضافی فیس ڈگری فیس کے ساتھ جمع کروانی ہوگی اس کے بعد یونیورسٹی آپ کا رزلٹ کارڈ بھیج دے گی۔۔

برائے حصول ڈگری/سند:
–سب سے پہلے ویب سائیٹ سے ڈگری فارم ڈاؤن لوڈ کریں اور احتیاط سے فِل کریں
(خاص کر اپنے نام کے سپیلنگ اور تاریخ پیدائش ٹھیک سے لکھیں کیونکہ یہی نام اور تاریخ پیدائش آپ کی ڈگری پہ لکھا جائے گا)
ڈگری فارم اس لنک سے ڈاؤنلوڈ کریں

اس کے بعد AIOU کی ویب سائیٹ سے آن لائن چالان جنریٹ کر کے پرنٹ نکال کے متعلقہ ڈگری کی فیس متعلقہ بینک میں جمع کرائیں۔ (مگر ڈگری فارم کی بیک سائیڈ پہ متعلقہ ڈگری والی فیس دیکھ کر اٍسی کے مطابق چالان پہ فیس درج کر لیں)
چلان فارم اس لنک سے ڈاؤنلود کریں

یونیورسٹی کی ویب سائٹ سے اپنی ڈگری کے تمام سمسٹر وائز رزلٹ کا پرنٹ نکالیں۔
سمسٹر وائز ریزلٹ ہسٹری اس لنک سے چیک کریں

ڈگری فارم پہ رزلٹ کارڈ سمسٹر وائز درج کریں مطلب جو کوڈ جس سمسٹر میں پاس کیا اسکو فارم میں اسی ترتیب سے درج کریں۔
ڈگری فارم کے ساتھ جمع کرائے گئے AIOU والے اوریجنل چالان، میٹرک سے لے کر اپنی تمام ڈگریوں کے رزلٹ کارڈ اور اسناد دونوں کی تصدیق شدہ کاپیاں، ڈومیسائل اور شناختی کارڈ کی تصدیق شدہ کاپی اور AIOU سے پاس کردہ ڈگری کا ویب سائیٹ سے سمسٹر وائز رزلٹ کا پرنٹ نکال کر تمام ڈاکومنٹس کو علامہ اقبال اوپن یونیورسٹی اسلام آباد ارسال کریں۔
نوٹ۔۔۔
آپ کی سابقہ تمام ڈگریوں کی اسناد آپ کے پاس ہونا لازمی ہیں ورنہ یونیورسٹی آپ کو آپ کی ڈگری نہیں بھیجے گی۔
تمام ڈاکومنٹس تصدیق شدہ ہونے چاہئیں۔
ڈاکومنٹس اس پتہ پر ارسال کریں
بنام کنٹرولر امتحانات
شعبہ امتحانات، سرٹیفیکیٹ/ڈگری سیکشن، بلاک نمبر 3، علامہ اقبال اوپن یونیورسٹی، اسلام آباد

جن سٹوڈنٹ نے ڈگری کے لئے اپلائی کیا ہوا ہے وہ ڈگری اسٹیٹس اس لنک سے چیک کر سکتے ہیں۔اگر ریکارڈ موجود نہ ہو تو اس کا مطلب ہے کہ آپ کی اپلیکیشن ابھی تک یونیورسٹی کو موصول نہیں ہوئی۔